[ابووخالد]

السلام عليكم ورحمة الله وبركاته

واشكر جميع الاخوان الي شاركو بالموضوع

اما بالنسبه للأخ طلعت الاعراض الى احس فيها حالياً

ماقولك اني انسان سليم 100% وماقولك اني ما اعاني من اعراض

ولكن اقدر اقولك اني سليم 60% وهذي معنويه عاليه بالنسبه لي وبالنسبه للايام الى كنت مريض 100% واانا موهوم
الاعراض تخف مع الايام انساها تنساك وادري صعب والله وانا كنت اقول صعب بس صدقني ردد دائماً مافيني شي الا العافيه والحمدلله على العافيه واذا حسيت بدوخه وصداع انساه وصدقني بتعيش وخلال اسبوع او اكثر بتحس ردت الحياه طبيعيه مثل ماكانت\

اخواني اخواتي كلامي سليم ولايوجد فيه فتنه نهائياً انا اشووف اكثر الناس الى مرو بالحالات هذي
مايصلي او راعي سهر واغاني ومحرمات وتدخين والشاى والقهوى لها تأثير بالذات بمجتمعنا الخليجي مانقدر نستغنى عن الشاى والقهوى .

وانا من الناس الى ماكنت اصلي الا من فتره لي فتره وكأنها مناسبه بالنسبه لي الصلاة او اذا احد احرجني وهذا الواقع يا اخوان .
الانسان ضعيف جداً لما يشوف نفسه بعيشة ضنكه يلجأ الا الله سبحانه وتعالى وكان قبل ناسي الله استغفر الله .
هذا بلاء من رب العالمين ونقدر نقول بلاء وانذار وتحذير للناس الى صادين عن ذكر الله وتاركين الصلاة .
وانا الان ولله الحمد اصلي واذكر ربي كثيرا والله يثبتي ان شالله ويثبتكم وانا اتكلم بصراحه تامه لكي يستفيدو الاخوان جميعاً