[أم انس]

اخواني الافاضل
السلام عليكم ورحمه الله وبركاته
بصراحه ما سجلت في هذا المنتدى الا وانا بامس الحاجه لكم وارجوا ان اجد لديكم الحل وحبيت اقول لكم قصتي وانشالله مااثقل عليكم وايد لاني والله محتاجه لكم :
وهي:
كنا عائله من اسعد العوائل عند عمامي واخوالي والكل يقول لنا انتم قلوبكم على بعض
نحن ثمانيه 3 اولاد و6 بنات
جميعنا نحب بعضنا البعض ولكن توفيت امي فجاه بحادث سياره مع ابي في السعوديه ونجى ابي واختي اخر العنقود
تحطمنا جميعا وبعدها ابوي باسبوع من وفاه امي تزوج وحده قريبه جدا وكنت انا دائما اتشاجر معاها وكنت مااحبها وايد وكله اقول ابوي نسانا علشانها
اخواني واخواتي كلهم متزوجين الا انا واختي الي اصغر مني بسنه واخوي صغير واختي اخر العنقود

المهم : تزوجت انا من ولد عمي وتميت لمده 7 سنوات تلاحقني (التابعه ) وحملت مرتين وكنت اتحلم بزوجه ابوي تطقني وعلى طول اجهض مع العلم اني كنت اعالج للحمل وعملت مرتين تلقيح صناعي واحمل بالشهر الاول واتحلم بزوجه ابوي تضربني وبعدين يتحول ابوي ويضربني تركت الموضوع
وقلت يمكن الله ما يبي الحين احمل وبعدها تنجب زوجه ابوي 2 بنات وواحد ولد اصم ما يسمع
عندي اخوي الوسطي ملتزم واخذ يقرا علي ويعطيني ماء مقري علي
واعمل تلقيح صناعي بعد 12 محاوله واحمل ولله الحمد ارزق ببنت
واعمل طفل انبوب وارزق بولد
ولكن المشكله ما سكتت توفى ابوي بمرض السرطان اعاذنا الله منه جميعا
واصبحت مشاكل ببيت ابوي يعني كل خواتي يتضاربون وصار زعل يقارب السنه ما يتكلمون مع بعض
كل ما ندخل بيت ابوي نتهاوش ونتضارب يعني ما يمر علينا اسبوع الا وتهاوشنا
اخر مره قبل يومين خواتي يتضاربون من الشعر واكرمكم الله من النعال واولاد خواتي كذلك
وزوجه ابي تضحك وتقول هذي مو اول مره تتضاربون
نذهب الي بيت اختي ما يصير فينا شي ونذهب الي بيت اخوي الكبير نضحك ومبسوطين

ولكن السبب ليش كل ما ندخل لبيت ابوي واحد ياكل بلحم الثاني وبعد ما نخرج من بيت ابوي كل وحده تتصل بالثانيه وتتسامح منها
هل في بيت ابوي سحر او شي من زوجه ابي لانها اهيا ما تحبنا وكل ما نجي لبيت ابوي تقعد تتافف وتقول راسي يعورني وتتحجج انها تبي تروح لبيت اهلها واحنا ما نخليها
تكفوووووووووووون قولوا لي بيت ابوي مسحووووووووووووووووور وشلون افك السحر

وشكرا على سعه صدوركم

اختكم ام انس