السلام عليكم ورحمة الله وبركاته
عندي مشكله وياليت تساعدوني فيها وهي اني فتاه غير متزوجه عمري 25 سنه متخرجه غير موظفه ونادرا ماانخطب رغم اني الحمدالله مواصفاتي تعجب الكثير وذا تقدم احد لاتتم الخطبه لانها تجيني حاله ضيقه ورغبه بالبكاء والتردد و اعاني من خمول شديد وغثيان وارق شديد واذا نمت النوم كانه حلم غفوات واذا صحيت من النوم اعاني من ثقل بالراس وصداع والم بالعين وضيقه وشحوب بالوجه وصداع ملازم وتساقط فضيع لشعري وضيقة بالصدر واحس دايم اني كئيبه ومكتومه وحراره بجسمي واحيانا تصير الحراره بس بوجهي وصدري وباقي اطرافي بارده وظهور بعض الكدمات ولي سنين على هذا الحال حاولت ارقي نفسي وقريت سوره البقره بس ماقدرت اكمل لاني وانا اقراها تجيني ضيقه فضيعه واحس اني ابي اصرخ واهرب واتمالك نفسي واحاول اكمل قراءه وانا اقراء تصير ترجف رجلي اليسار واحس بغثيان وصداع وتثاوب مستمر ماقدرت استمر على الرقيه وخاصه ان حرارتي ترتفع واحس بتعب فضيع قريت مره عند احد الشيوخ ولما قراء علي حسيت بااعراض وهي التثاوب وشعور بضيقه ورغبه بالبكاء والصراخ لكن كتمت هالشي وتصامدت قدام الشيخ وهو يقرا وانا كاتمه الصراخ وطول ماالشيخ يقرا وانا افكر اني اهرب من الغرفه واحس شي بداخلي يبي يطلع ويصرخ وتنمل بيدي اليسار ورجلي اليسار ولما سالني الشيخ عن الاعراض جاوبت قلت بس تنمل بيدي لاني لحظتها لحظه خوف او خجل ابي خلاص اقوم وكتمت على باقي الاعراض وعطاني زيت مقري ودهنت مرتين بزيت مقري طلعت بجسمي حبوب صغيره من اول مره دهنت فيها
ياليت تفيدوني وش اللي معي هل عين او حسد او مس وكيف اعالج نفسي وخاصه اني اكره شي اسمه رقيه او قراءه سوره البقره يجيني ضيقه وصداع اذا نويت اسوي الرقيه؟
وهل صحيح ان علاج العين التي تسبب الصداع وتساقط الشعر
قص الشعر؟
ساعدوني الله يفرج عليكم
اختكم : دعواتكم لي بظهر الغيب