[Rawan]

السلام عليكم

يا شيخ بس بغيت اعرض الي صار فيني امس

انا الحمد لله صار ي 23 يوم اقرا سورة البقره بمعدل كل يوم. والحمد لله كنت ما اشعر بشي بس امس كنت تعبانه صليت المغرب ونمت في الغرفه بروحي( مع العلم اني اخاف انام فيها بروحي) بعد ما نمت بفتره شعرت بنفس شعور الطيران وكان جسمي توه بيطلع من محله بس قبضت على يدي بالقوه وكنت وانا نايمه اقول اعوذ بالله من الشيطان الرجيم. اعوذ بكلمات الله التامات من شر ما خلق. وكان جسمي ثقيل ابي انقلب على الجهه الثانيه مو قادره كنت ابي انادي امي بعد ما قدرت وكان حركتي انشلت كنت في هل اللحظه اتمنى اي احد يدخل علي بس عشان يروح اللي فيني بعدها الحمد لله ابوي فتح باب غرفتي ما صدقت انه فتحه سيده قمت قلت حق امي الموضوع.
بس كنت وايد تعبانه واشعر بنعاس رديت نمت في الغرفه بس كنت حاطه سوره البقره فيها ، ما قدرت انام الا بسوره البقره.
على الساعه 11 مساء اخذت القران وقريت سوره البقره في غرفتي وانا اقراه كنت احس بالم بطن اول مره احس فيه كان يؤلمني( مع العلم مع بدايه قرائتي لسوره البقره كان بطني يظهر اصوات خفيفه ولكن مع الاستمرار والحمد لله راح الصوت)
بعدها فتره نمت وحلمت انه امي تقول لي ترى في بيتنا يوجد ثعبان انا في الحلم قلت لها لا ما في شي انا ولا مره جفت. كاني في الحلم نمت ويمي كان في اشياء قديمه. وانا نايمه في الحلم كنت احس شي يلمس رقبتي فتحت عيني الا راس ثعبان طويل طول ذراع اليد وشوي اطول يلمس رقبتي كنت احس من الخوف بيوقف قلبي وكان الثعبان يتحرك على رقبتي بعدها مسكت الثعبان من راسه وضغطت عليه بالقوه لي مات صار يابس وخليته على صوب قلت حق امي جوفيه بعدها كنت في الحلم تعبانه ومضايقه اقول حق اخوي اشلون في بيتنا ثعبان من وين يه انا اول مره اعرف انه فيه وكان اخوي منزل راسه ويحركه بس ما قال لي ولا كلمه وبعدها قمت من النوم.

تحياتي