منتدى الرقية الشرعية - انا طالبه عمري 23 سنه منذ 6 سنوات وأنا أعاني من حالات غريبه بدأ الأمر من الثانوية ؟؟؟

بسم الله الرحمن الرحيم
في البدايه احب اهنئكم بشهر الخير والرحمه وكل سنه وكل اللي دخل يقرأ رسالتي بألف خير ،،،،،
ما اعرف كيف ابدأ واكتب اللي اعاني منه انا مسجله في المنتدى قريب وهذي اول مشاركه ليا :icon_neutral:
وحابه اني الاقي احد يساعدني في مشكلتي ::
انا طالبه عمري 23 سنه من 6 سنوات وانا اعاني من حالات غريبه كانت البدايه من وقت ما خلصت الثنويه العامه والحمد لله ومن وقتها وانا حياتي موقفه بدأت اعاني من نوبات خوف وقلق كانت تمسك معايا من بدايت الليل الى وجه الصباح وانا في حاله لا يعلم بها الا الله خوف وبكى ووساويس في راسي كنت اتمنى الموت منها تعبت وتعبت اهلي معايا ما خلوا مكان ما ودوني فيه كانت البدايه مع الدكاتره النفسيين اللي تعبون اكثر واكثر كل واحد كان يشخص الحاله على ضوء فلسفته في منهم من قال حالتي وسواس قهري واللي قال حالتي اكتئاب وخذ يا كلام كثير يوجع الراس اكثر من انه يعالجه كرهت نفسي بزياده بعد احد المواقف الي سارت ليا مع دكتوره نفسيه ::::::
المهم انا وقتها ما كانت افهم بش اسمه حسد او حتى سحر او عين مش اني منكره وجودها بس الاشياء دي ما كانت تشغل بالي بالرغم من اني كانت تسير ليا اشياء بس ماكنت افهم ايش معناها كنت لمن اصلي وادعي ربي واقوم بالليل احس كأن رجلي وانا ساجده احد يرفعلي هيا هذا غير اني لمن كنت اول ما اقول الله اكبر بالصلاه احس نفسي ابغى اوقف قرأءه وما اتوقف عن البكى بس كنت اقول لنفسي يمكن هدا الاشياء لانك تعبانه ومع العلم اني كنت دائما اقرأ قران واصلي واقوم بالليل وتسير ليا اشياء غريبه ما كنت افهمها حتى اني في احد المرات اول ما مسكت القران وانا بس ابكي ابكي وقرأت سوره هود ويونس ومرررررررره ارتحت وبرضوا ما كنت اعرف ليش هذي السوره بذات تريحني الى وقتنا دا وقتها ومن غير ما ادري كت ارقي نفسي ومن غير ما يكون قصدي رقيه كانعندي وكمن كنت احط فيه شريط رقيه من باب انه ذكر لاني مااسمع اغاني والحمد لله وفضلت على قيام الليل والصلاه والحمد لله اتحسنت حالتي كثيييييييييير ومن غير ما كنت اعرف اني كنت ارقي نفسي يعني خفت حالاتالخوف حتى الوساس والامور التانيه خفت عندي بعد فتره ودوني اهلي لمشايخ عشان يقرأوا عليا سرت احس عند كل واحد يقرأ عليا الم في نهاية راسي وكأن راسي احد يجره على تحت واكتاف ووجع في يدي اليسار وكانت رحلتي مع الشيوخ اول واحد قال احتمال عين او حسد واعطاني سدر وعسل وشريط رقيه وكل ما سويت السدر احس بصاع في راسي شديد كأني من زمان ما نمت وحتى بعد ما اغتسل منه كل اهلي يشوفوا وجهي اصفر وذبلان وانا اصلا احس نفسي بعد ما اغتسل منه كأن كان على راسي جبل واتخلصت منه شي كان يهد حيلي هد كأن كنت قاعده اصيح واصرخ حتى وجهي يبان عليه تعب وحده طول اليوم كانت تبكي هذا غير الكوابيس اللي تمسكني إذا نمت مره وتزيد اذا كنت سامعه الرقيه قبل ما انام ايش حيوانات تجري ورايا ومره معدتي حريقه واني اقول للشيخ لو ادري اني الرقيه راح تسويا فيا كدا ما كان رقية نفسي هدا الكلام في الحلم غير اني احلم ناس تجري ورايا ووجوه ما اعرفها بس تتكرر في اكثر من حلم لكن الحمد لله ما كانوا يقدروا يوصلوا ليا لاني كنت دايما حتى في الحلم اقرأ قران وفي الفترة الاخيره زادت حالتي عليا وطفشت من التي كل ما ادخل جامعه اطلع منها وانا الحين داخله الجامعه واداوم فيها كل يوم بالغصب طول الطريق وانا احس ثقل في كفوفي ورجولي جابوا اهلي لبيتنا شيخ من منطقه غير مدحوه الناس عشاني اول جلسه جاب معاه عصايا وسلك وهاك ياضرب من غير ما يقول شي كل اللي سواه انوا قرأ ايات وقلي ايش اكثر الايات اللي حسيتي فيها قلت له اية الفلك اللي في البقره وايات تاني طريقته غريبه شويا صار يقول تجمع على يدها اليمين واخرج يقول انه يكلم اللي فيا والغريب انوا يدي صارت ترتفع الى الاعلى من غير إراده مني وبعد ضرب فيا وانا كاره للشيخ هدا لانه كان يضربني وانا احس نفسي بموت من ضربه وهو يقولي لالالا انتي ما تتوجعي وكل ما قلت شي قال انتي توسوسي لانوا اهلي يشرحوا له حالتي في اول جلسه بعد شتى انواع العذاب اللي اخذتها من يده قال انوا عندي مس عاشق وما اعرف كيف عرف اعطاني زيت ومويه وقلي داومي عليها حالتي بعده زادت لانو حالة الخوف رجعت وبزياده بعد ما خرج من عندنا الشيخ وسرت كل ما اقرأ البقره احس يثقل في رجولي ونفسي اقطعها عشان ارتاح ما ابغاها واحس نفسي ابغى ارجع كل اللي في بطني اكرمكم الله حتى لو مني اكله شي تاني جلسه مع الشيخ رجع قال يمكن عين او حسد مش مس عاشق ووبرضوا يضرب وهدي المره لسه ما كفاه البوس والعصايا اللي طلب عصايا اكبر م بيتنا وصار يخاصمني ويقولي اني انا ما ابغى اتعالج لاني مش متعاونه على حد قوله لاني ما ابغى استحمل الضرب بعد ما بهدلني حتى انه طلع بكل ثقله على يدي وفضل واقف قال عشان اللي فيا يطلع وانا مستحمله تعبت من الشيوخ اللي اروح ليهم واللي يجوا عندنا البيت وتشخيص كل واحد اللي كان يتعبني اكثر واكثر اش عين وايش حسد وايش شاكك في سحر فضلت ارقي نفسي وادعي ربي وكل مره ارقي احس بالم في ظهري ورجولي نفسي اقطعها واسفل راسي وشي غريب انا احس انو راسي من جوا ينمل وفضلت اداوم على البقره كل يوم بعد صلاةالفجر الى يوم في الليل كنت فاتحه شريط الرقيه وحسيت يدي اليسار تترتجف وسار اصابعي الابهام منفوخ ولونه ازرق وفضل على دا الحال كم يوم الين خف من حاله لدرجة اني كنت ما اقدر اثني اصباعي هذا غير الكوابس اللي تجيني والجاثوم اللي يخنقني وانا نايمه حتى اني مره سمعت احد ينادي على احد جمبي وانا نايمه وفجأه حسيت احد خانقني وانا اصيح بس محد سمعني ومرره تانيه من كثر الخنقه قمت الصباح رقبتي تألمني رغم اني محافظه على الصلوات والحمد لله ودائما اتحصن بعد كل فجر ومغرب واقرا القران والحمد لله انا يا شيخ تعبت من كل شي حولي من الدكاتره وتشخيصهم من نفسين وغيرهم لانوا معدتي كمان تقوم عليا من فتره وفتره ومن الشيوخ وتشخيصهم وضربهم اتحملت العصا والسلك والدبوس بس الحين ما سرت اقدر اتحمل شي لاني تعبت واحس نفسي خلاص منتهيه دراستي واعاني منها اروح الدوام غصبا عشان اهلي والفلوس اللي دافعينها ورحمت بحالهم ولا انا طول الطريق وانا ما ابغى لا كفي ولا رجولي بس ما ابغى اقولهم لاني احس نفسي غربلتهم معايا وحتى ايام الاختبارات احس دخان وحراره من راسي من كثر الخنقه اللي تجيني مو بس بالجامعه حتى لمن ادخل اي مكتبه اعاني اصير ما اقدر اتنفس حتى انوا البنات عندي في الجامعه اشاعوا انوا عندي الربوا من كثر ما انخنق وطبعا محد يعرف الموضوع ايش في بيتنا سرت اقعد لحالي اكثر مما اقعد مع اهلي حتى اني لو انا اسويا اي شي واحد من اهلي قرب مني احسه انه جاي يأذني ولو ركبت مع اخواني السياره اخاف منهم وامس نزلت شريط رقيه من السحر وفيه آيات كثيره تانيه تعبت وصارت عيوني تدمع لوحدها رغم اني ما ببكي ومعدتي وظهري يألمني وكل محد دخل عليا الغرفه بعدها قلي اشبوا وجهك تعبان من ايش تعبانه ولمن نمت احلم بالحيوانات معايا وتطالع فيا وزعلانه مني ما اعرف ايش اقول انا كاره الحياة كلها ولمن ارقي اتعب في الرقيه من حراره في جسمي وحكه في باطن قدمي وصداع في راسي وثقل في اطرافي هذا غير انوا تجيني خنقات بكى وما اعرف ايش اللي عندي بالضبط ؟؟؟
اتمنى لو احد قرأ رسالتي وعنده حل او حتى يقدر يقولي ايش ممكن يطلع اللي اعاني منه انه ما يبخل عليا بالرد وشكرا
جزاكم الله كل الخير